早上的温和健行

中年易發福，好奇媽媽不知不覺已40歲，踏入人生新階段，呢個年齡開始，食多一定勁肥，唔食都會肥，所以要加啲生活習慣，令自己走樣走得慢啲。

大家都知我唔buy 一暴十寒的方案，我只會改變生活習慣去温和地保持體重。我都唔覺得自己會突然瘦下來，只要唔增加已算成功。

我每朝早送完阿仔上學，反正都已經醒哂，我會行上山上的公園健行一兩個圈才回家。因為我要上斜路，可以鍛鍊一下心臟。

山上的公園空氣很不錯！

就是要沿這條斜路上落山。

因為阿仔功課忙，我們做不到穩定地每星期二至三天跑步，咁我自己反正得閒，唔得閒的是阿仔，咁唯有自己上山行下。

由於每日只係用少少時間，唔覺唔覺。

五月份是台灣相思開花的日子，我仔的花粉敏感症又來了。提提大家，如果有花粉敏感，要多啲戴口罩，戴口罩唔得，再用藥。