萬事俱備，只欠「名師」

昨晚知道了 mathconcept全港數學大激鬥的結果, 阿仔攞咗銀獎, 可喜可賀！

今次出題型式同平時的純奧數比賽有點兒不同，是傳統的學校數再加奧數混合在一起，今次形式不同，阿仔依然是攞銀獎，無論出題模式點變，佢的狀態都是差不多。我覺得同佢長期閱讀有關，因為平時睇書，每本書的設計都不同，字體不同，表達手法不同，配圖不同。習慣大量閱讀，其實對數學解題能力絕對有幫助。

阿仔長期銀獎，證明他能力十分穩定，無論是解題還是計算，做了的題目通常都對。但為何拿不到金獎呢？

因為佢有四題冇做。是我教他的，唔識的深題就由得他，識做的確保自己冇「唔小心」。

有部分題目是俾份卷我返屋企想一日都未必識，咁就放棄了！有些東西，不是有點小天份就能解決，要有名師指點才可。

萬事俱備，只欠「名師」。

我仔平時上的奧數班，是常規課程，for大部分小朋友，自然不能集中攻深題，我知道阿仔應該參加「尖奧班」才對，不過暫時度唔掂時間。