自己顧自己就好了

話說我將謝安琪的錄音俾我99同老公聽，佢地聽完，我99反應最大，我老公冇反應，這件事反應出男女大不同。

因為我99學醫出身，覺得謝安琪簡直胡說八道，冇憑冇據，冇資料來源，而且內容又錯。佢錄音中稱呼聽者為「大家」，我們覺得她不是在和朋友私人交流。她是有意「教育世人」的。

我老爺奶奶合注的書。

我99說：「明星應該有社會責任，亂講嘢搞到疫苗冇人打，一場温疫啲人會好似以前咁，死了大部分。」

大家還記得黑死病，天花等故事嗎？疫苗就係死了很多人的情況下發明出來的。曾經奪去無數人性命的天花白喉，還有令無數人終身殘障的小兒麻痺症和德國麻疹，都靠疫苗絕迹於世了！

（ 資料來自香港大學）

我對99的看法深表認同。

然後，在一旁納涼的老公，冷冷地說：「死哂咪好囉，要咁多人來做乜？佢地唔打我地打，咁死嘅係佢哋。」（無情的ST型，真係好男性化）我雖然係T，但強度同我老公冇得比，佢真係冇興趣理其他人的死活，不過咁又幾好，我聽完都醒哂。對的，自己照顧好自己就得了，不要理別人的死活。