保存珍貴的照片

不知何解，爸爸從來不覺得兒子的成長照片珍貴，只有為母緊張兮兮的，每次重裝電腦都生怕照片不見了，所以堅持要用外置hard disk備份。

兒子小時候的照片已裝滿了舊的外置硬盤，一定要買個新的，上網一查，嘩！原來成千幾二千元一個，咁鬼貴，佢唔好去搶！

於是唯有求助萬能的淘寶，淘咗個Samsung, 1TB容量，300元人仔。

店主叫「黑店」，嚇到我有啲驚，老公說：「係黑店就唔會叫自己黑店啦！」

結果，冇事，哈哈。不過唔知係咪容量比之前大咗三倍，令佢過相片時比以前慢？有冇人知呀？

除咗過相慢啲（其實有時又會快返啲，唔知係咪相片中撈了影片的原因？），其他都冇問題，十年後會不會有什麼問題我當然不知道了！現在是挺好的。