同阿仔煲大長今

考完試比較少功課，同阿仔開套劇來煲，開了My TV Super的「大長今」， 這套可以話係經典韓劇，都十年前了，但相信大家都會記得。

睇咗頭兩集阿仔話好慘， 唔肯再睇落去，於是跳到第七集繼續煲， 而家已經煲到第22集， 係因為劇情太好看，我們忍不住不停追。

這套劇都幾有教育意義， 除咗學識一啲藥材嘅運用， 亦都會學識長今精神， 無論多麼艱苦嘅環境， 都要努力不懈， 堅持落去， 最後終會有成功嘅一日。長今每次遇到危難， 都總是有另一個機會的存在， 呢種劇集，睇多啲會有正面嘅人生觀。

既然睇得電視劇， 當然順手借埋故事書啦！ 一箭雙鵰。

故事書寫嘅內容比較簡單，但一樣係正面勵志的。

為什麼要同阿仔煲劇煲電影呢？其實係接觸優質的「故事」，小朋友係要用故事浸大的，好的故事，就係兒童腦部的營養，無論係睇書的方式，聽電台，看劇集，看電影，只要故事夠好就得。

故事是最重要的元素，如果套劇係無劇情的肥皂劇， 嘩鬼叫的卡通片， 痴線低低b，咁就唔好睇，睇得多會蠢。

無論睇書睇劇都要係優質嘅！ 至於邊啲叫做優質， 就由媽咪去判斷。