膽小如鼠

阿仔真係天生細膽，昨晚看完一部「 全職獵人劇場版：緋紅的眼睛」， 嚇到死死下！

只要有殺人嘅場景出現，佢就好驚， 其實我都唔覺得好恐怖， 不過佢又要驚又要睇， 佢又覺得好精彩好好睇。 結果睇完套戲之後， 佢話畀我知手腳好凍， 但係塊面就好熱， 佢話自己嚇到發燒！-___-

上次去睇4d「 妖貓傳」， 佢嚇到屁滾尿流！ 妖貓殺人嘅場景， 佢就掩住耳朵瞇埋眼睛。不過因為係4D，佢張椅都係會震的，佢嚇到一頭大汗。

大陸看4D唔分年齡，好多父母都係自己睇咩戲就咩戲，個小朋友帶入去反正唔使錢，佢地三四歲都照入場睇的，冇人好似我仔咁樣樣，都唔知係我仔「怪」，定係人地「怪」。

我老公唔俾我仔睇「戰狼」，「盜墓筆記」等，因為佢知道有激烈場面，「妖貓傳」會睇，係因為唔知有呢啲場面，睇廣告睇唔出，睇劇情介紹睇唔出，唔同香港分三級際，一睇標誌就知。

我老公對個仔的接受度計算是正確的，可能因為大家都係hsc（高敏兒）吧！而我從小低敏，對孩子的情緒也不敏感。我好難理解佢點解咁驚，不過我包容佢，佢隨時可以終止，我也不會否定他的情感，也不會迫他學會堅強大膽。

經常見到人在群組問，如何可以令孩子大膽一點，我本人就覺得，孩子天生細膽就多包容，要咁大膽做乜？佢大膽你又擔心佢出意外啫。不要將細膽推論至「將來唔識同人社交」，其實兩者冇必然關係的。唔好諗多咗！