朱古力餡的dilemma

我每次做朱古力流心饅頭，老公就在一旁「哦」我，唔好落咁多朱古力餡，因為好肥㗎！然後當然又係話我肥。

但係我又覺得朱古力唔夠，阿仔唔鍾意食喎，咁早上會食得慢喎！

兩個拗來拗去，結果我決定做兩種，多餡的是阿仔食，少餡的大人食。大人怕肥，小朋友唔怕肥，尤其是我仔，高得快，肥得去邊。咁如何識別邊隻係多餡呢？

答案係，有乳頭的係阿仔食的，無乳頭的是大人食的。哈哈哈！

老公望住啲包滴汗，話：「咁樣阿仔一路食，會唔會有邪念㗎？」我說：「有邪念的是你，佢識條鐵咩！」

蒸完，個乳頭仲大粒， wakaka!

呢個包的靈感是來自，我有次在廣州飲茶，嗰籠奶黃包就係咁整，全部有乳頭，我同當時啲同事，一面食一面笑：「果然係奶黃包！」。