書要睇咗先係自己的

大家有冇買書癖？

提提大家，書要睇咗，先係你的。買咗返來唔睇，即係垃圾。唔單止阻地方，仲會cap塵，影響室內空氣質素。

每買一本書，唔單止要計呢本書的面價，仲要計下佢的租金，佢佔咗你間屋的地方，要在心中加條租俾佢。書價加租金，才是擁有這本書的成本。

在中山，我見人地圖書館有個免費交換二手書閣，真係好，睇完唔要的書可擺上嗰度的書架，誰要拿走就拿一本家中的舊書來交換。多好啊！

香港好像叫做「漂書」，對嗎？

可惜香港圖書館，唔做呢啲嘢。

有好多人覺得屋企多書代表知識分子，其實睇咗入腦的先係知識分子，我以自己睇很多而擁有很少為榮。這代表我們並沒有欠書債。哈哈！