Jupas or non-jupas?

Jupas or non-jupas? That's the question.

本地大學入學分兩條龍，jupas or non-jupas, 咁正常人人都係排jupas條龍嘅，即係考DSE, 然後睇成績選大學。不過由於學位少，聽說年年有成萬人合乎3322的要求都入唔到任何資助大學。

3322這個規定，對於有短板的學生真係好大鑊。放榜日有人在「名校secrets」群組post自己的成績表，科科高分，但中文衰咗，大學夢碎。冇嘅，呢啲case, 實有外國大學收嘅，但要使屋企一大筆囉！所以，中文科又叫死亡之卷，好多人大學止步，都因為中文科，其實通識都係心頭大患，因為都冇乜得準備，範圍無邊無際，就係睇你個人有冇critical thinking囉。

其實中文唔得，自己一早應該心裡有數啦，真是無須死讀DSE，可以改為考IB喎！近年啲人發現lB少人讀，反而仲容易入到大學喎！其實IB原本係for國際學校的學生，我相信中文一定會淺啲，而且佢加入了校內評分，又計埋課外活動和公益活動，對於活潑外向，英文叻，周身刀的小朋友真是十分有利。

不過我仔一睇就知唔係呢種人啦，佢係屬於很專心讀書的人，而且中文十分不錯，很適合行DSE的路。

其實non-jupas收國際學生，話就話收25percent, 事實上黑箱作業，鬼知佢收幾多個percent咩，傳聞港大工程系收70percent non-jupas呀！所以到底jupas易啲入大學，定non-jupas易啲入，真是天知地知，大學自己知，我地唔知。

還有，本地港生都唔好以為DSE競爭少，雙非嬰係截咗龍，但優才計劃靜靜地輸入了很多內地優才，呢啲優才在香港生小朋友，係資源最豐富的一羣，例子就係趙薇個女，佢都在九龍塘讀緊名校，其實內地優才比我們想像的多許多，佢地將來可能讀IB, 又可能考DSE，香港小朋友的競爭大到難以想像。

上一回大家都睇過世界大學的排行榜啦，科大港大，在很多範疇排名仲高過清華北大，但競爭比清華北大細幾多呀，你係大陸人都過來搏一搏啦！

大家知唔知世界上最多人競爭的是那間大學呀？哈佛？耶魯？史丹福？全部都唔係，係印度大學，考生人數最多，收生相對最少。一句講哂，人多的地方競爭大。所以，香港回歸，意味大學學位都回歸咗，真係大大鑊。

面對日漸激烈競爭，最簡單，就係令自己變得更強囉！加油啊！


相關IB的資料：

http://www.tutorboard.com.hk/blog/blog_article/study-review/Is-Non-JUPAS-suitable-for-you

http://life.mingpao.com/htm/hkdse/cfm/choi3.cfm?File=20131104/choi02/gaa3.txt

相關文章：
大學排行榜要睇
http://curiousboy2016.blogspot.hk/2017/10/blog-post_50.html?m=1