豉油雞的秘密

豉油雞係人都識整，但點先整得好食呢？留意以下三點：

（1）豉油要夠多浸住隻雞，唔準溝水，一滴都唔溝得。吓？咁咪要落哂成支豉油？係，煮完的豉油可以重用㗎，用個玻璃瓶裝住放雪櫃，照樣可以用來炒菜的，唔會浪費的。但如果下次又重用來整豉油雞，要加鹽和新豉油，否則隻雞會又淡味又老。

（2）加冰糖，瑞士雞翼為何好食？咪因為加咗冰糖囉。

（3）水滾落雞，之後要轉最細火煮熟（一般要半小時for whole chicken), 如果用了猛火，隻雞會鞋。

要加薑䓤老抽之類，大家應該知，不贅。