爸爸接放學

今日媽媽生病了，由爸爸接仔放學。我問仔：「今日見到爸爸來接你，你有什麼感受？」他說：「我心裡面想：『今日冇故事聽了。』」

兒子聽緊什麼故事呢？便是這個清代女商聖的故事：
http://www.coco01.net/post/613902

我每日煲幾集就講幾集俾佢聽，所以他都放學見到我就會立即追問劇情。

我想，就算兒子將來長大了，還是會很懷念媽媽說故事的日子。爸爸其實表達力也強，只要是講他的興趣範疇的事，就可以滔滔不絕，但他說東西太直接，沒有什麼說故事的技巧，所以兒還是最愛聽媽媽說故事。

話說兒子兩歲上n班時，日日都係我接放學的，有一日我安排爸爸接放學，打算俾個驚喜兒子，怎料.......

接了兒子出來的爸爸玄壇咁嘅面口，說：「一見到我，佢就大叫：『媽咪呢！？媽咪呢？！個肥婆呢？！』」

我肯定「個肥婆呢？」呢句係我老公加的。因為佢唔高興。