罰抄係好事

老師罰小朋友抄，個家長嬲嬲，在群組公開，然後很多人都嬲嬲，認為罰小朋友抄太過份，最後件事上埋報。我和其他人的想法不一樣。

我覺得老師罰小朋友抄，小朋友起碼練咗寫字，但佢唔罰你，改為侮辱小朋友，或者在課堂上話個小朋友，仲衰！話得多，以後冇人同呢個「老師針對的人」玩。呢啲傷害，殺人於無形！

最重要係，老師罰小朋友抄，家長便知道個仔做錯乜，唔罰，個仔返來又唔出聲，家長幫唔到個仔改善，於是，小朋友日日犯錯，日日被老師在班上數落，罰冇小息，罰冇體育堂，罰站，咁對自尊心的傷害更大！

你可能會說，為什麼老師不能以愛心對待小朋友？為什麼不能包容？小朋友只是沒寫日期而已。沒錯，是那個老師有毛病呀！抄一百次，真是很多，但是，你會期望一個有毛病的人，突然間沒毛病嗎？

好些小學老師就是質素差呀，否則當年羅範椒芬搞教師基準測驗時，為什麼那麼多要自殺了？最後迫得她要下台？就是羅範椒芬要淘汰那些低質素的教師，但事實上太多這樣的教師了，才會遭到如此巨大的反抗。最後教師基準試搞不成了，唯有搞tsa，唔測得老師咪測學生囉，結果又話學童自殺案增加了！

總之，差的老師既然趕不走了，孩子成為病態老師出氣袋也是免不了的，我寧願仔被罰抄，好過俾人在學校罰咗咩，為咩被罰都唔知。

小學六年，對住香港的非理性教育人員，真是很漫長！

我仔今年算好運，遇到「正常」的老師，上年真是很痛苦，遇到個short嘅，而家又驚，小五小六，可能又會遇到short的，畢竟short的其實挺多，因為官津係唔使交學費的，服務態度自然差一點了！