Augmentin

話說嗰日拿完阿仔的報告就在沙田的大排檔食午餐，過了兩日，老公就病咗，佢話好肯定係大排檔唔乾淨，我就唔信，因為我咩都有食，又唔見我唔舒服？老公話我冇飲凍奶茶，我飲熱檸茶，想想也可能是，因為我們兩公婆那幾天的飲食都一樣，只有是飲品不同而已。

起初老公覺得自己似流感，就用咗抗流感葯物，吃了四日都冇好轉，開始意識到自己用錯葯了，改吃augmentin, 一吃立即見效，幾日迅速康復。

日常對話中，老公依然口口聲聲話自己中流感，叫我們出門要小心，話可能之前有一個流感的人用過隻奶茶杯，大排檔洗得唔乾淨，阿仔在一旁忍不住駁佢咀：「爸爸，你食抗生素見效，即係有細菌囉，流感係病毒，抗生素係冇效㗎! 常識書講㗎！」爸爸唯有收皮。

Augmentin這隻抗生素救了我們家唔知幾多次，我大肚時病，醫生開augmentin, 我仔病，醫生開augmentin（自從佢識吞葯丸後）, 我老公腸胃炎，醫生開augmentin, 我們的家庭醫生，好似一隻augmentin走天涯咁。家庭醫生是個可靠的老實醫生，我們睇他，由260元診金，睇到最後四百多元，應該係加租加得太勁，最近執埋添。我們都懶得再去睇醫生了，去買augmentin, 每次都同睇幾百元醫生一樣效果！

不過想買都唔一定買到，我99係去相熟葯房買，有時買到，有時買唔到，視乎風聲啩，香港係唔俾葯房買有消炎功能的東西的，抗生素當然唔得，除非醫生處方，因為要保住醫務所的飯碗。

大陸的葯點解比香港的有效？係因為佢地係醫院先有醫生，唔會好似香港咁成街都係私家醫生，有咩頭暈身㷫，啲人都係去葯房自己買葯食。所以佢地係有抗生素賣的，例如 「頭孢拉定」都係幾蚊咋，佢地啲抗流感葯都好勁下。不過老公話佢地開始有私家醫務所了，因為想將醫院的workload卸出去。咁可能將來大陸都玩到同香港咁，葯房賣埋哂啲醫唔到病的葯，都係賣啲保健性或減低一下病徵的所謂葯。

知多啲：augmentin
https://www.drugs.com/pro/augmentin.html