香港卓越獎學金計劃

阿仔喜歡科技類的東西，將來會向這方面發展是越來越明顯的了，我們家沒有人有這方面的興趣，個個都是科技白痴，家中科技設備又out, 爺爺是醫生，嫲嫲是謢士，所以我們都很老土，都是由細sell佢做醫生，但無論我們点sell都好，佢好肯定地告訴我：「我唔做醫生，我喜歡的是科技。」我總是很欣賞他，咁細個，佢總是知道自己的人生方向。佢會不會是胡說八道的呢？我肯定唔係囉，呢個係識咗佢九年的直覺。佢經常都會思考佢自己的人生路的。

如果向科技行業發展，應該是不會留港工作的了，香港有什麼科技呢？如果讀到科技大學，就返大陸揾工，現在深圳雲集了大量頂尖科技精英，而且年薪已遠超香港。如果有幸出國讀書，就更好了，不過我們是沒有足夠彈藥啦！

但剛剛發現有一線希望，就是這個 香港卓越獎學金計劃，係香港政府支助你讀外國名牌大學，不過想拿到呢，可以叫做「跑馬射蚊鬚」。

http://www.edb.gov.hk/tc/edu-system/postsecondary/policy-doc/hkses/index.html#1a

嗱，覺得自己仔女有機會的，上上面條link睇下啦！睇「 甄選」部分，就會知道要咩資格了！