學霸是怎樣煉成的

我真係好鍾意睇「 六個核桃」 贊助嘅電視節目， 因為通常都同腦有關。 煲完【 最強大腦 第四季】， 我就開始煲呢一個【 學霸是怎樣煉成的】。 我覺得， 呢啲節目真係好難得， 因為香港肯定唔會有呢啲節目， 大陸人覺得讀書好，運動好，社交好，係值得追求嘅事， 可以有呢啲節目， 如果呢啲節目喺香港播， 實會畀人定臭雞蛋， 就好似麥明詩成日提起自己攞10a， 成日都畀人隊一樣。 其實中國有好多好多個麥明詩， 但係觀眾就係用向佢哋學習嘅心態來看節目， 呢個就係兩地文化差異。

呢一集請咗兩位美女學霸， 第一個由細到大年年考第一， 課外活動亦積極參與， 佢靠嘅一股堅毅嘅意志。 剛剛大學畢業， 但係見工嘅時候人哋對佢亮麗的履歷，一啲興趣都冇！ 呢件事令佢大受打擊。

呢位女學霸， 對學習嘅成功要訣總結得非常之好， 基本上我未見過有人總結得咁好， 佢叫做「 三法一態」， 有興趣嘅大家自己去睇啦！

我覺得佢呢一句講得真係非常之好「 大考大間，小考小閒，不考得閒。」

我肯定， 而家所有子女成績十分好嘅家長， 都已經係咁嘅狀態， 如果你嘅仔女成績並不十分好， 你應該就唔係咁嘅狀態。 暑假玩到三魂唔見七拍， 考試臨急抱佛腳。

呢一個女學霸講一句說話真係令我醒曬：所謂 學霸其實係一種狀態， 係一種好清楚自己嘅目標係乜嘢， 好了解要點樣去達成呢個目標嘅狀態！

歸納能力一流， 佩服!