無logic!

今朝睇到個很好的新發明，就是胃部充氣膠囊。一看就知道是為了取代縮胃手術啦！即係嗰啲三百磅大肥妹的最後絕招。始終縮胃都係個大手術，而家放個balloon落個胃度咪唔使做呢個手術囉！

之前睇「 守護生命的故事」知道，縮胃手術仲可以幫助糖尿病人食少啲，改變了生活習慣，最後竟然令糖尿病斷尾！

點知呢個咁正的發明，下面竟然全是負評！最多人讚好的一個是這樣的。

佢話用呢個嘢不如自己做好飲食管理，我真是有想死的感覺！會做好飲食管理的人就唔會肥到要用呢個發明啦！有沒有logic㗎！咁多人讚好，即係好多人無腦。

仲有，佢話六個月後攞走咗個balloon之後又會大吃特吃，即是等如沒做過。呢個又係無logic,六個月後，肥妹已經習慣咗食少啲的生活，自然會珍惜瘦下來的自己，極力保持良好的生活習慣，有边個想又要吞多次膠囊先得㗎？而且醫生又唔係傻的，佢地會keep住跟進及鼓勵她重過新生。

其實冇logic的人真係好多，我在早教的時候就聽過很多冇logic的理論，例如學得越多越沒有創意，就是典型的冇logic, 如果學得多會冇創意，咁世界上所有歌曲都係唔識音樂的人作㗎啦，因為佢地學得最少。但偏偏所有樂曲都係自小學音樂的人作的，有沒有聽過有人沒學過音樂又靈感不絕的？沒有吧！所以，logic好緊要，差不多每個看法和做法都和logic有關。