文言文略有小成

今日在家見到本文言文書，突擊測驗阿仔識唔識。這本書是免費派的佛教結緣書。

如有興趣下載電子書，可在此下載：

http://edu.hwadzan.com/fabo?keyword=二十四孝圖說

為怕阿仔唔識解傷佢自尊心， 我先選一個故事，是阿仔平時聽過嘅。

阿仔每一個句子，每一個字都識解。

我大大讚揚他一番，增強他的自信，再給他看第二個故事，這個故事我肯定他沒有看過， 因為比較冷門。

阿仔大概解到八成， 佢解唔到嘅， 正正係我解唔到嘅部分。

「 親沒， 南遊於楚 ，從車百乘，積粟萬鐘， 累裀而坐，列鼎而食。」我們只知到主角雙親去世後，他去咗楚國，發咗達，至於如何發達就摸不着頭腦了。 看完白話解釋之後， 才恍然大悟。

原來佢做咗大官！大佬，你起碼在「南遊於楚」之後，有一句「官拜上卿」之類吧！否則人地鬼知你做咗官咩！

原來文言文最難之處，是對故事歷史背景的認識！否則，隻隻字識解都解唔通！

我們讀所有文言文或古詩都會用返廣東話，所以下載一個app來查粵語讀音，很好用。

平時唔肯定的讀音要多查證。