活在網絡時代需要判斷力

最近一間屯門區的小學被報導說歧視窮人家庭，唔收搭輕鐵返學的人，要收中產學生，剛巧我有朋友的孩子讀緊，而且已經四年，正好他們是乘輕鐵返學的，小康之家，不算中產。沒有聽說過他兒子給學校歧視啊！

https://www.hk01.com/sns/article/88824?utm_content=buffer1733e&utm_medium=Social&utm_source=facebook+hk01&utm_campaign=buffer

朋友當初入這間學校便是因為此校口啤不錯，比其他學校包容。四年來，日常談話說起學校的事，我都覺得佢仔果間係比我仔呢間包容啲。

這段新聞是幾日前的了，我看了也不以為意， 因為我已經習慣網上報章的失實報道， 想不到 今天在facebook見到竟然有 人在「功課群組」 大力鞭撻這間學校， 但其實嗰啲人都係唔認識呢間學校， 睇咗報道就亂攻擊。

其實有少少正常推理邏輯， 都知道唔妥。 因為佢哋唔係直資又唔係私校，家長有冇錢關佢鬼事？！佢有什麼「動機 」一定要收中產學生呢？ 津校不需要捐獻，家長有冇錢真係與佢無關， 在屯門這種地段開學校已經預咗，生源係小康之家。 只係咁啱俾人捉字蝨， 大做文章。

我覺得現在網絡時代， 好多新聞都好假， 唔好講新聞， 在朋友之間互傳嘅信息，都有好多係有問題。 我試過收過舒適堡會執笠嘅信息， 收完之後我冇轉發， 訊息話舒適堡一個月內會執笠， 結果成幾年都未執， 好明顯就係競爭對手想打擊舒適堡， 就利用網絡以訛傳訛嘅力量。 我有試過收到 稻香酒樓藍血雞 嘅新聞， 最後當然證明都係假嘅，好在我冇發出去，冇去做幫兇， 又有傳聞話王老吉有毒， 又係假嘅。 總之有品牌，做得好， 自然就會有人用網絡攻擊你。 麥當勞因為好抵食，所以成日都畀人攻擊。

每次收到呢一啲信息， 我就會覺得發送訊息畀我嘅朋友， 個腦實在太單純， 畀人利用咗都唔知。 對呢啲朋友我唔會嬲， 但係我好嬲一類朋友， 就係不斷轉發嗰啲「 如果你不轉發這個訊息給20個朋友，你便會......（ 咀咒）。」 我試過有一年， 勁收到同一個朋友， 這類型嘅訊息， 好明顯因為佢自己唔想受到咀咒， 所以收親都轉發畀我， 因為我唔會轉發他人， 即係自己食曬， 最後我終於忍唔住同呢個朋友攤牌，最後當然在冇聯絡。 呢啲好明顯都唔係朋友呢！ 我一點也不覺得可惜。