堅持不懈的陷阱

香港美少女打破跳繩世界紀錄。真是可喜可賀！

https://topick.hket.com/article/1806556/30秒跳繩105下　14歲摩打腳美少女破世界紀錄【有片】

我最喜歡研究人家怎樣成功的了，我看了訪問她媽媽的影片，其實成功之道只有兩個字：毅力！

至於她有沒有天份，因為報導沒有講，我就不知道了，她母親和她本人的分享都是說要堅持苦練，美少女練到日日勞累，有一天更突然手劇痛而要看醫生。而她們堅持的原因很簡單，就是認為做事應該堅持到底，絕不放棄！

這些對白，好像個個成功人士都說過。我從小看日本卡通片長大，差不多套套都有這些「 堅持不懈」的劇情。只要堅持就有奇蹟！

堅持是否會有奇蹟呢？ 如果你係一個以感性作為判斷的人 ， 睇完美少女嘅成功個案 ， 你應該會感覺到堅持嘅威力 。

但其實，計都計到啦，全港如果有一萬個學跳繩的人，我當它有一成人堅持不懈吧，咁有幾多個打破世界紀錄呢？咪係一個囉！咁話明係世界紀錄，即係全世界堅持的人，只有一個成功囉！（未被別人打破的這段期間）

奇蹟的出現可以用「 跑馬射蚊鬚」來形容。但 關節痛，腎上腺素長期飆升是一定的， 一百個percent！

一個15歲的少女，已經用了人地一生人用關節的一半 quota， 年紀大啲佢就知死！ 關節痛百倍奉還！我不是胡說八道的，有醫學常識都知 關節的使用率係有 quota的，所以那些 健康 相關文章， 都叫人哋40歲之後唔可以行咁多樓梯， 因為上落樓梯最傷關節。說白一點， 關節只係一舊軟骨， 每次使用都會損耗。

而所有挑戰速度嘅比賽，都會令到腎上腺素急劇飆升。 腎上腺素是上天賦予人類逃避危難的分泌物，有了它，我們反應會變得迅速。

至於腎上腺素長期高企有咩問題，我就唔知喇，不過諗下都知唔方好野啦，長期興奮，等於長期扯起（失言了），點會係好事！

我有個老朋友，每年就會為同一件事打俾我訴苦，話畀我知佢個仔學咗一樣課外活動之後，明明學得唔錯，但突然間又放棄咗！做事一啲毅力都冇！令佢感到非常苦惱苦惱。我每次左睇右睇都覺得呢件係一件好事，但係我解釋完畀佢聽，佢下年又會再打畀我，因為佢個仔又放棄咗另外一樣嘢，反正佢年年都唔記得我講過嘅嘢， 我決定寫低呢一篇文章，每年都重send一次畀佢。

每年都放棄一樣課外活動其實係好事嚟嘅，例如今年學咗花式跳繩， 關節傷夠咗喇；下年學乒乓波， 全年都腎上腺素飆升，夠啦； 下年換另外一樣嘢可以傷身體另外一部分，唔使集中主攻同一部分， 咁咪即係既有運動，又唔會筋骨受損，咁何樂而不為呢？

其實堅持落去， 畀你成功咗又點呢？ 攞到世界冠軍都算，但大部分人都攞唔到。真是攞到的話，其實係付出了健康的代價，有幾多個傑出運動員會沒傷在身呢？

至於一些無聊目標，例如考台拳道黑帶，考到又如何呢？ 放棄咗黑帶， 咁又點喎！莫非一間好中學，會因為你條黑帶收你咩！全港的黑帶多到數唔哂。

人為了一個設定的目標努力不懈是一件好事，但前提是：那是一個有意思的目標。