打羽毛球好開心

日前和阿仔打羽毛球，阿仔終於接到波，佢好開心！

一個八歲的孩子接到波是應該的，有什麼那麼值得開心呢？因為阿仔由細到大的體育是差啲。智能發展快的小朋友，一般手腳都會慢一點，當然，有人是完美的，沒有發展落差的，但這個好運氣並沒有落到我家。兒子就是智能發展好，但卻笨手笨腳。 所以我們一直都未正式教佢任何嘅球類。

最近我哋開始觀察到佢好似ready啦， 於是同佢一齊打羽毛球， 已經學咗兩三次， 第一次我哋主要集中學開波， 只要識得開波和接到一、兩下， 返學校都可以同小朋友玩， 佢第一堂就學識了 反手開波， 跟住第二次，我哋想教佢學接波， 點知接來接去都接唔到。 原來接波都唔容易， 因為要判斷嗰波嘅來路， 再決定用正手定係反手打過去， 對判斷力同手眼協調嘅要求都幾高。

第三次同佢玩， 情況突然大好。 初初係媽咪同佢一齊比賽開波，睇邊個開得最遠， 我兒子最是好勝， 一要比賽就鍥而不捨地不停練習， 務必要比媽媽開的波更遠，到最後還是媽媽開得更遠， 不過下次真很難說了， 他的進步神速。 學完一輪開波就學繼續學接波， 很神奇地， 打咗幾次呀仔竟然無意中接到爸爸一個波！ 於是媽媽立即歡呼喝采， 並告訴他：「 只要成功咗接到第一個球， 就代表你的腦部開始適應， 也很快便會接到更多的球。」 之後， 兒子也很興奮， 努力地學接球， 最高紀錄可以連續接到兩個。 他開心極了！ 終於享受到打羽毛球的樂趣了！

其實任何訓練都是辛苦的，任何東西在成功之前都是吃力的， 但當你辛辛苦苦練習，然後接到第一球，那種滿足感真是難以言語。

問題是由0去到1， 這個過程 如何堅持， 因為這個過程是最漫長的。 小朋友的腦部需要一段時間才能warm up, 適應一種新知識、新動作、新技巧。 我指的不單是運動上面， 就算學習認字或其他東西， 都需要這樣的一段， 默默堅持的時間。

默默堅持跑步了大半年， 阿仔上次創新紀錄， 可以6分06秒跑到990米。

本來我已經十分滿意， 但昨日阿仔 又再創紀錄， 而且是一個很大的突破， 5分40秒跑990米。 為什麼會這樣呢？ 是否偶然撞彩呢？ 我認為不是， 這應該是 身體的機能已經準備妥當， 腦部亦都開始適應， 所以一再突破。

所以大家記住， 無論教小朋友什麼， 最重要的記住， 由零去到一，必需要努力堅持，等待突破。

ps. 如果環境許可，長期跑步最好可以去有地膠的地方跑， 以免傷及筋骨。