學校的英文很淺

兒子的朋友中文成績不好，我對他說：「你睇多啲中文書就得㗎啦！」

他反問我：「我夠唔睇英文書啦，又唔見我英文成績差？」

我衝口而出：「因為啲英文淺！」

說完之後我又反思，到底英文是否淺呢？我又問問朋友，朋友說：「 當然淺啦，而家我哋身處嘅係中國人社會，中文係我哋嘅母語， 而英文只係當外語學習， 要求根本完全唔同。」

我試下攞本小六嘅英文閱讀理解俾阿仔做， 根本完全冇難度呢！六題錯一題。 做咗幾個練習都係咁。 唔係淨係呢篇文章淺，全部都淺。 只要有閱讀英文書嘅習慣， 應付學校嘅英文考試，根本冇問題。

在此提醒在學校英文成績不錯 的小朋友的家長， 千祈唔好得意洋洋， 未必係你個小朋友英文好， 只係學校的英文程度淺。 當然，如果你讀嘅係國際學校，就另作別論。

如果小朋友在校英文已麻麻地，快培養英文閱讀習慣，只要有睇英文書有聽英文故事，好快追上，因為本身 學校要求好低。如果小朋友唔肯睇， 逼佢死背英文文章。