花椒啤酒鴨

我發覺很少人用鴨來做食材，所以令到鴨肉的價錢偏低，但其實鴨肉的鮮味比起雞肉一點也不輸蝕， 甚至更好！只是鴨肉在一般人來說，覺得比較難煮，又怕油多。 這裡介紹一個很簡單的鴨肉菜式，好味得嚟又容易做。

花椒八角和 粗鹽一起炒熱，攤凍之後，搽在鴨肉上面醃一晚。

第二天，拿出醃好的鴨肉，放在電飯煲內，加入栗子、啤酒半罐、 少少生抽、 生薑蒜頭等。 記住千祈唔可以加水，否則會唔香。

因為我呢個電飯煲有埋高壓煲嘅功能，所以二十分鐘就淋曬啦！ 可以上枱。 如果冇壓力煲， 應該要再加多啲啤酒，炆耐啲時間。

鴨肉通常都會有好多油，唔緊要，將所有嘅汁到出嚟，雪凍佢，所有嘅油都會浮上面， 用匙羹「不」走啲油，再將啲汁炆返隻鴨就得㗎喇。如果煮一餐食兩餐，第一餐就唔好撈汁，淨係食鴨肉，第二餐就到起啲汁，去了油之後，再臨番落鴨肉度一齊煮，第二餐就可以食埋啲汁，用嚟撈飯。