別鴕鳥政策

有一次喺網上某個群組，睇到呢句說話，我都唔明點解會有咁多人讚好。

我當時心裏面就諗：「 咁我真係祝你好運！」

做乜嘢都係有時限嘅， 只係時限可以長可以短。食碗糖水都有時限。 咁唔通碗糖水擺咗兩個禮拜， 食的時候覺得有少少叔叔地， 然後你會同自己講：「 繼續食落去啦，可能佢會變好呢！」

當所有小朋友都已經學會閱讀， 而你的小朋友 淨係識得要你伴讀， 你要做的不是堅持伴讀下去， 而是找出原因。 就像那碗糖水，既然同其他糖水的味道不同，你應該停下來思考一下， 這碗糖水到底擺咗在雪櫃多久？

聖人都有錯， 難道你自己不會錯嗎？ 會否是你伴讀的方法出了問題？ 還是那個小朋友需要特殊幫助？ 有什麼理由，讓錯的東西繼續錯下去？

我們總會說：「 不要比較孩子。」 這句說話不代表不要分析孩子， 看到別人的孩子大部分在這個年齡階段可以做到什麼東西， 如果自己的孩子做不到， 便要尋找原因， 不是鴕鳥政策！ 這不是去比較孩子， 比較的意思是比較成果， 分析的意思是分析進度。

P.S. 如果小朋友已經可以自己閱讀但仍堅持每一本書都要伴讀，都是一個問題。要尋找原因。