香港好多人!

昨日去咗參觀天文台，原來香港嘅天文台係咁細！但今日嚟參觀嘅人數真係好多，好擠迫，咁我唯有離開現場，沿住天文台道行去科學館，點知科學館又係逼爆，隔離個香港歷史博物館舉行嘅玩具展，重誇張！昨日周圍都係人，插針都唔入！

香港點解咁多人嘅，其實好多都係大陸人，每次去親科學館，或者有教育意義嘅地方， 我經常都聽到身邊嘅人係講國語嘅，講國語嘅人係會 對住 知識牌面，解說文字讀畀個小朋友聽，香港嘅daddy媽咪，只係會幫小朋友拍照， 少有解釋知識畀小朋友聽， 我見有香港嘅小朋友， 聽在場職員講解嘅時候，大呼「 好悶」！昨日我見到香港 daddy媽咪重視知識的程度，其實係同國內來港的人冇得比， 可能我去嘅地方比較知識性， 國內人重視知識傳授，而香港人就總是帶小朋友玩樂 的心態，所以大家都係親子活動， 目標完全不同， 至於哪個目標比較好，我就不評論了。

其實我切切實實咁感受到，香港好快就會被換血， 換得乾乾淨淨，而家街上都係大陸人比香港人多。 我所指的不是遊客。