默書拿81分

昨日，兒子拿出默書簿給我簽名， 一看，81分！ 我覺得十分好奇，問他為什麼這樣低分。

原來因為前天我們請了病假， 下午四點鐘才拿到功課回家做，前天功課多，還有兩篇作文，做呀做，結果忘記了翌日要默書， 沒有溫習。

我問：「 咁結果點算呀？係讀默定背默先？」

他說：「 係背默。」

我張大了嘴巴 ：「 下 ？！咁咪好大鑊！咁點解你會有81分咁高分？」

記得他小二時也試過忘記背默， 結果拿了一個零分，今次竟然有81分，真係喜出望外。 而且今年小三的默書，還要默成語，他們默成語的方法是，老師把成語的解釋讀出嚟，然之後小朋友估那個成語是什麼， 老師不會直接把那個成語讀出來的。 如果冇溫過書，世上近義成語何其多，冇理由識的。

兒子回答我說：「 我小息的時候，問同學借咗成語書臨急抱佛腳讀咗，至於背默課文的內容，我有印象，只不過默得慢啲。」

我還是詫異得合不攏嘴，想不到他進步如此之大，同一件事，一年前發生，拿零分，一年後發生，他已懂執生，拿81分！

我大大讚賞了他一番。