調景嶺體育館及圖書館

一直都想去調景嶺體育館睇下，但一直都未去過， 這天去調景嶺考試，順道到此一遊，果然不枉此行，他的位置距離地鐵站不遠，出咗地鐵站直行不超過五分鐘就到，而且望都望得到。

這個是適合幼兒玩的室內遊樂設施，是以海洋為主題的。

這裏最出名的是室內跑步徑，去到見到有啲失望， 因為圈長得150米，如果嗰日好多人跑，相信會塞實曬。 但我去嗰日係星期日，都冇乜人跑。 如果唔係落大雨，真係唔需要喺室內跑步，因為空氣會冇咁好。

不過最驚喜嘅係室外遊樂場。 好耐都冇見過咁長嘅瀡滑梯，大家都知道，而家香港嘅遊樂設施， 為咗避免孭鑊，搞到有咁安全得咁安全，一啲都唔好玩嘅，但係呢度啲遊樂設施，都幾危險。 好正！

這個氹氹轉有兩個玩法，坐在上面玩就安全嘅，站在上面玩就刺激嘅，我見到有小朋友在上面跑！ 一面跑一面轉！ 總之我已經目睹好多個小朋友在上面跌落嚟，有啲跌到呱呱叫。 以前七八十年代嘅，公園就係咁樣， 有一定程度嘅刺激性同危險性， 小朋友其實都需要呢一種刺激㗎！ 家長要自己睇實。

就在遊樂場嘅隔離，就係調景嶺圖書館，又新又大又靚，有兩層，上面嗰層係成人圖書館，下面嗰層係兒童圖書館。

書本都很新淨，去園遊樂場，再嚟圖書館抖下，睇下書，真係可以消耗一日嘅時間，而且不收分文。

我唔明白，有咁多嘅遊樂設施，對身心更有益處， 點解仲有咁多人去 冒險樂園， 去打機，去玩一啲刺激而對身心無益處嘅嘢，而且仲要收費添！

如果香港政府每區都起一個 咁樣嘅 室內室外遊樂場加圖書館，咁嗰啲playhouse 可以執笠。