校內， 十分新淨。
對正門口紫色嗰個係垃圾站，垃圾站側邊仲有一個焚化爐，燒到成幅牆都黑曬。 嗰度啲樹又矮又密，成地都係雀仔屎，連一條電燈柱下面都有 幾百堆雀屎， 成日經過到底會唔會有禽流感㗎！
門口旁邊係大貨車嘅停車處，嗰啲車咁大型，在學校門口 chit chat咁轉， 好危險喎！
門口唔單止條路窄，仲要周圍都冇位泊車， 所以昨日啲家長嚟接小朋友，十分狼狽，揸住車嘅周圍兜，都冇地方停，冇揸車嘅周圍行，冇地方企，學校又唔肯開放操場畀我哋企住先， 一定要夠鐘先至開操場， 搞到大家都好狼狽，我覺得呢間學校十分unfriendly, 也十分愚蠢。 如果佢一早畀我哋入操場等小朋友，我根本冇可能會見到咁多學校門口不堪入目嘅嘢， 也不會在此 唱衰他。 老實講好多屋邨學校，千禧校舍靚過佢多多聲，周圍環境配套優美過佢多多聲。 咁嘅環境配套，仲要年年加學費，真係唔掂。 前兩年我個朋友個仔入讀佢哋嘅小一， 入了學沒多久，便要簽一張加學費通知書，通知佢哋嚟緊不停都會加學費， 如果選擇加500蚊嘅話，下年再加，如果選擇加一千蚊嘅話，唔知幾多年後再加。 我覺得簡直係騙案！ 如果入學之前佢講呢啲嘢，咁人哋都可以選擇， 食得鹹魚抵得渴，入咗學，真係打死狗講價。
終於接到兒子了！ （ 今天穿了粉藍色，很sharp,一眼就看到他了！）
從來都未試過，兒子會告訴我，他做得完那份卷， 因為他每次都做不完 。 但今次，他不只說自己做得完，還有很多時間check卷，不是吧？！ 他還說今次的題目出得很淺，以下就是題目，大家自己睇下淺不淺，我不作評論了！
「如果選擇加500蚊嘅話，下年再加，如果選擇加一千蚊」不可思議
回覆刪除澳門只有國際學校係咁，興建校舍，裝修都要家長夾錢
上文提及呢一間嘅學校 係一間直資學校 直資同埋私立學校 都可以加學費。
刪除不過加還加 入咗學之後 先至畀啲咁嘅pay plan人哋 我覺得好過份囉！