幸福自己攞嚟

以前我很相信努力，現在卻越來越「迷信」，我相信命運！因為實在太多例子，顯示人的幸福是一項性格及心智活動, 而性格決定了命運。

就拿我媽媽做例子, 我年紀細嘅時候，佢怕我拍拖 ，如果有男同學打電話嚟，佢就會質問人哋 ，之後我完全冇任何拍拖嘅蛛絲馬跡，直至到28歲，佢就開始急起你上嚟，佢擔心我嫁唔出 ，於是乎， 佢就建議我搵個垃圾男人拍拖及嫁鬼咗，佢話：「因為人揀你, 你揀人。」

然之後，我冇理佢，依然好理性咁選擇，唔會胡亂結婚，會選一個正確嘅人才結婚。

到我結咗婚啦 ，佢又擔心我冇仔生，到我生咗仔，佢又擔心我個仔學太多嘢， 又中文又英文， 到我個仔成績好啦 ，佢又擔心我老公會去滾， 我話咗我老公一定唔會，佢又唔信我，仲要係佢冇任何嘅證據，也不是發現什麼珠絲馬跡，只係看得無線電視劇集多 ，胡亂猜想。 我有時實在，忍不住她囉囉嗦嗦，直接把電話掛掉了！ 我其實也很想做一個孝順女 ，但真的和她相處不能超過20分鐘， 所以 一見到她， 我便低下頭玩手機， 只要我不說話， 專心玩手機，由得她自己說 ，大家可以坐上一小時， 飲一餐茶。

我明明活得好好，一家幸福快樂，佢都係要擔心我過馬路會畀車撞親，佢又擔心我肥咗，老公會嫌棄 ，佢又擔心我， 皮膚越來越差， 老公會唔要我， 我都唔知點解我自己從來冇擔心嘅嘢，佢不停咁擔心！！

養兒一百歲，長憂九十九，呢個我明白， 但在完全在沒有徵象的情況底下，無風起浪 ，咁咪就係同自己過唔去，庸人自擾！

有咁樣嘅思維模式，什麼也向負面的方面思考，永遠也得不到幸福 ，我媽媽明明很幸福，女兒生活快樂，自己也冇生活困難，但是每一樣東西都要向負面方面思考， 把好的想成是壞的， 把壞的想得更加壞 ，捕風捉影，我實在是沒有辦法 ！只可以說，佢呢種性格，就會有呢一種命運！

所以，幸福係自己攞嚟嘅，不幸福也是自己攞嚟！