心智成熟的母親

昨日上資優學苑的一個人文課程，了解香港的物質及非物質文化遺產。昨日是field trip, 三小時行天后至北角的景點：

油街實現、皇都戲院、春秧街、七姊妹道、書局街和 新光戲院。

可恨的是天公不造美， 間歇性滂沱大雨，老師話天文臺冇黃雨警告，活動一定要照常進行。

今次是我第一次放手給阿仔自己行街。之前他都試過獨自跟會所去參觀，但那通常是有車送到一座建築物中，完結後又有車送到會所，跟本沒有「走失」的機會。今次不同，北角街道很開放，如果他突然被什麼東西吸引走了神，例如巴士，可能會跟甩。

Anyway, 最後當然冇事啦！但我忍住唔跟住個仔，自己搭車回家，感覺是十分爭扎的。理性上，我很清楚兒子這個人，就算走失了，一定懂回家，港九新界有邊忽的交通佢唔熟過我呢？佢又大膽，唔會嚇親的。但我就是莫名其妙地擔心一餐！我就是自己嚇自己，又怕佢被車撞，又怕.......（唔知怕乜！）

如果你睇完覺得我好好笑，你個小朋友小一小二已經自己去街，覺得我驚得很「無聊」，咁你要小心了！你一定很年輕就做了母親！你真實年齡未必年輕，但心智一定年輕！而且很大機會是esfp or esfj.

Es比較樂觀，f行事憑感覺，又樂觀又憑感覺就即係傻婆一個！

校車站識的一個母親告訴我，她生大仔時很年輕，真係小二就俾大仔自己搭地鐵上學，佢話當時「唔識驚」，但15年後她又生了二仔，她現在是絕對不會這樣做，因為「識驚」了！所以，「識驚」代表你是一個成熟的母親。