閱讀和成績相關嗎？

不止一次喺童書群組見到有人講：「 雖然閱讀同成績冇關係，但係依然要堅持閱讀。」

我感覺係莫名其妙， 但係次次都好多人讚好， 即係好多人都認同：閱讀和成績冇關係。

我明明覺得閱讀同成績直接掛鉤， 點解又會有咁多人覺得閱讀同成績冇關係呢？ 我思考一下呢個問題........

第一個可能性： 個媽咪以為，呢一刻閱讀，例如閱讀咗一個月，下個月成績就會好咗，這真是一個美麗的誤會。你預三四年才會見效吧！所以越早開始越好，最好小一前已閱讀了三四年。

第二個可能性：閱讀量的問題，雖然有些小朋友經常閱讀，不過佢地看的讀物可能包含大量圖畫，例如漫畫書，咁可能睇十本先可以當係睇咗一本書。由小一開始，閱讀要做一點統計的。

請看「如何知道閱讀量」一文：
http://curiousboy2016.blogspot.hk/2017/07/blog-post_33.html?m=1

留意五六年班每學期要差不多一百萬字才夠。

第三個可能性：閱讀質素的問題，其實人人睇書個樣都係一樣嘅，但腦中的運作唔一樣。有啲人吸收好，有人吸收冇咁好，有啲人睇書，睇咗好似冇睇咁，有啲人過目不忘。咁如何控制閱讀品質呢？我認為盡量選你小朋友感興趣的書籍來看，如果對主題不感興趣，睇完會好似冇睇咁。將心比心，我俾本你完全不感興趣的書你睇，你會有咩感受？至於如何捉到孩子的心思，如何推介合適讀物，那實在是一大學問，得閒開個topic慢慢研究下。

閱讀表面上簡單，其實當中學問好多。有些父母自己根本沒有閱讀習慣，買了一大堆書在家卻沒有仔細跟進，可能小朋友口味變咗又唔知，小朋友年齡大咗又俾返同樣的書佢，令他漸漸失去興趣，所以，我覺得如果你是選書低手，還是從小培養孩子去圖書館自己選書來看的習慣吧！

還有一點要提的是，閱讀理解的成績和看書量真是有關㗎！不過要去到「理解」的地步，看書量的累積是很多年的，不是一蹴而就的。

而「成績」是包括很多個項目的，除了閱讀理解，還有文法，作文，聆聽，口試，還有數學，這些未必和閱讀直接相關，不過閱讀做得好，連數學文字題都會高分啲，有間接影響。

Last but not least, 閱讀又要分中英文，兩科都係主科，死一科都會「成績唔好」噃！所以中英文書都要睇！