我仔的Lego書包已經用了三年，今年一定要換了，在大眾已經睇中了這個款式，大眾折實賣593元，我特地等書展才買，今日書展價係525元，成功節省了68元。
這本新加坡練習八折，原價75元。
作文文筆比香港出的好多了！
50色油粉彩，32元，仲平過淘寶。
晨光文具，二十元七支筆，平過淘寶。
這是我唯一一本買的書，是一些鬼故事，我去書展不買書的原因是，圖書館有的書我不會買。而這本書我買的原因是，內含文言文原文故事，我會再三去細嚼。
幫朋友買的常識卷，家中小朋友常識較弱的可脹此卷補充一下。
我一向很喜歡這款高思維，因為它比一般數深少少，需要轉下彎，又有少少奧數工作紙。是奧數與普通數中間。
我喜歡這種很有系統性文法練習。
這個是朋友買了的幼兒識字書，青田出版，書展價是80元一套，除開8元一本咋！
今次我寫好哂需要買什麼，又預先寫低鋪頭號碼，上午十一時入場，到二三時已經買好需要的東西。過程很順利，買完嘢重好精神，我和今日第一次見的網友五時前離開去吃飯了！
今日好開心啊！嘻嘻！
請問Junius publication 哪幾本練習是在哪兒買到，我一直都在書展找不到呢。
回覆刪除在精英出版社。
刪除我見你呢几日收獲甚豐呢！
今年買得比較多，因為太多平嘅英文小說。依家開始唔係太知揀乜書俾個仔了，所以通常行第二次會帶佢去，等佢自己發掘吓D新類別嘅書。
回覆刪除我一早就已經唔知選什麼英文書給仔看了，都已經幾年在英文瓶頸位，唔知係能力問題定係口味問題。
刪除我仔去書展一定唔會睇書，佢會搞人地啲文具和電腦。所以千萬不能帶他去。
David Williams 嘅書有冇睇過？風格同Rodal Dahl 相似， 網上也有audio book 可配合一起邊聽邊看。
回覆刪除等我又試下先！謝推介！
刪除不過，呢啲都係杯水車薪，好似上次你推介完文字魔人，我仔好鐘意，但兩日已經煲完十集。
對這些看得又快又多的小朋友，要幫助佢哋讀慢D，以致D文字真係有經過腦袋消化過，但我又確實找不到一套好方法，唯有間中而佢朗讀和同audio book同歩看，目的想佢慢慢消化和思考一下。你有冇D好方法？
刪除你這個想法令我十分詫異呢！因為我沒有想過這個問題。於是，昨晚我終於要考下個仔，平時我是不會考他的，我問返幾個月前佢睇的衛斯理 的內容，因為我都有睇，肯定知佢答得對不對，我是open ended咁問佢個故事講什麼的，他答到喎，而我記得的他都記得，他不記得的我也不記得了。不過看的過程，我用兩三日看一本，他用兩三小時，而記憶質素似乎沒有大分別。主要是看那本書有幾精彩，精彩的部分記得，枝節唔係太記得。聽說，人是記不住自己沒法理解的事情的，所以，我們記得的東西，應該都是理解及有所體會的。
刪除Um, 我所指嘅唔單指內容，而是深度，閱讀的目的應該唔止是記住內容，認識新的詞彙，我都會叫阿仔綜合敘述一次整本書嘅內容，但隨著佢已經有一定的程度，我覺得佢要更深入了解，例如本書寫得好的地方在哪？點解好？有什麼特別的寫作手法？有什麼佳詞佳句？作者寫這本書想表達一些什麼信息或理念？你又點諗⋯⋯等等。要答到以上的問題，就要一邊看一邊思考，而不能快速閲讀。畢竟，我不是想用閲讀來打發時間。可能我表達不是太好，但是見佢係睇好多書，睇得好快，又記得內容，但出來的效果又唔係我想要的全部。
刪除咁我同你的要求唔同啦，我覺得阿仔好享受閱讀就Ok了，唔使有咁高層次的思維，佢有這些思維時自然會有，冇就係時候未到，講佢都唔會明。有時同一本書，我睇咗，我有感想，大家都會傾下，但唔會刻意。佢睇的書我大部份都唔會睇。
刪除所以，你的要求比我高多了！
我都好開心呀，我都成十年無去過書展了，謝謝你陪我地行足成日，仲送埋我地上船；特別多謝你的贈書，我會珍惜你的心意，好好引導阿仔去看^^
回覆刪除我都好開心，以前icq的網友，出來見完面覺得同網上唔一樣的感覺，但点解我們就像中學同學，就像大學同學，就像老朋友？真神奇！
刪除我d網友都keep到十年八年的，唔啱傾唔約出來的
刪除