公投害死了小英

英國慢慢將會走上衰退之路， 這件事由何時開始呢？就是由現在開始。

比喻：

件事係咁嘅，小英參加咗學校班會，埋咗堆 ，班會埋堆攞到著數佢就照袋， 但係而家有啲辛苦嘢要做，小英即刻逃之夭夭， 要脫離班會， 小英心裏面諗：唔同你哋呢班人玩咪同第二班人玩囉，總之有著數我就要，蝕底嘢我就唔會做㗎啦。

脫離咗班會之後 小英梗係想去埋其他堆啦，但係如果你係班會，個個都學小英咁， 仲得了嘅，實雞飛狗走喇！咁班會起不是會瓦解囉？

所以班會一定會盡力阻止小英有好日子過。如果小英想去同陳小明friend，咁班會咪會去孤立陳小明囉，咁你係陳小明，你仲同唔同小英玩先？

最後小英真係冇運行，因為佢再搵唔到朋友。 咁鬼叫你咁自私自利，人哋有著數嗰陣你就攞曬，人哋而家要幫手照顧啲難民 你就死都唔肯。

呢單嘢，你話小英仲有咩出路先？除非轉校囉，問題係呢個世界，只得一間學校！

公投，係會害死一個國家嘅，因為大部分嘅市民都係愚昧無知， 容易受到煽動㗎，佢哋睇嘢唔係睇全局，淨係睇眼前，因為個大部分人都係為自己眼前利益打算，有几多個人為國家未來著想先？